تحية كبيرة للنجمة المتألقة مى عز الدين
على آدائها الجميل لشخصيتين متنا قضتين تماما
فى فيلمها الجديد " شيكامارا " حيث تقدم من خلاله دور إمرأة مطحونة
بين عملها كسائقة ميكروباص وبين اولادها وزوجها العاطل والدور الآ خر لفتاة ارستقراطية
تعيش حياة مرفهة جدا وتجد كل ما تتمناه وتتغير حياتهما إلى النقيض عندما تلتقيان بالمصادفة وتتفقا على ان تنتحل كلا منهما شخصية الأخرى 0
ورغم انفراد مى عز الدين ببطولة الفيلم إلا ان المخرج استطاع إعادة اكتشاف ماجد الكدوانى فى دور الزوج العاطل الذى يعتمد على زوجته ولايفعل شيئا سوى النوم والأكل
أعتقد ان هذا الفيلم تعرض لظلم كبير بنزوله فى "مطحنة " أفلام عيد الأضحى ولو كان عرض فى وقت آخر لاستطاع تحقيق إيرادات أكبر
كمال سلطان
هناك ٧ تعليقات:
بأمانة شديدة أنا مشفتش الفيلم علشان كده مش هقول رايى... بس عامة أنا مى معجبتنيش فى الكام فبلم الاخرنيين ليها!! يارب يكون ده حاجة مختلفة!
وبجد مدونة حضرتك جميلة وفيها مجهود حلو.. ولا اخبار النجوم
:)
شكرا يا ألبيدا على رأيك فى المدونة
وطبعا بحييكى على رأيك فى شغل مى حتى لو كان مخالف لرأييى
وياريت تشرفينا بزيارتك دايما
ولو ان احنا ما قمناش بالواجب معاكى
أنا ما شفتش الفيلم بس مى عز الدين بصراحة مستواها ما بقاش زى الأول مع ان هى ممثلة كويسة بس مش عارفة ليه اتجهت لموضوعات سطحية
مي عز الدين بنت مجتهدة وخفيفة الظل وجميلة جدا بدون مكياج
الفيلم من خلال عرضك لقصته شعرت أنه نفس فكرة فيلم المليونير بتاع اسماعيل يس وأكيد الكل شافه في التلفزيون
على فكرة أنا في انتظار صورة واضحة ليك تبعتهالي ع الايميل عشان أرسمك
تحياتي
مى عز الدين مجتهدة جدا فى شغلها ولما بتشتغل بتبقى مركزة اوى
ودة بيبان على الشاشه
وبجد هى شخصيه جميله اوى
والفيلم انا لسه مدخلتهوش
بس مى تعبت فى جدا
وباذن الله قريب اوى
هدخله انا وناس كتير
عشان فعلا مى اتظلمت
فى وقت عرض الفيلم
وخصوصا ان الفيلم
نازل مع حيتان السينما
احمد السقا وكريم عبد العزيز
وربنا يوفقها
وراى حضرتك شرف
لاى ممثل انه يسمعه
كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا
عاليا حليم : أنا بخالفك الرأى 00 أنا شايف ان آداء مى تطور جدا ،وفيلمها الأخير خير دليل على ذلك ومع كده رأيك ع العين والراس
ونورتينى كالعادة
ياريت تزورينى فى المنتدى ده :
http://elfan2008.ahlamontada.com/
ا0 ياسر حسين : مفاجأة جميلة جدا ان حضرتك تعلق عندى والمفاجأة الأجمل انك وافقت ترسمنى وأشكرك جدا يافنان 0
وبالنسبة لرأيك فى الفيلم فهوفعلا نفس قصة فيلم المليونير لكن التناول مختلف شوية
ياريت أتشرف بزيارتك فى منتدى مجلة الفن السابع
http://elfan2008.ahlamontada.com/
أستاذة أمل
شرفتينى بزيارتك يازميلة
ورأيك فى مى متوافق مع رأيى
وفعلا وجود الفيلم بين الحيتان ضيعه لدرجة ان مى نزلت السينمات يوم الوقفة واتصدمت لكن للحق الفيلم اشتغل يومين العيد 0
وأنا سعيد بمعرفتك واحييك على مدونتك الجميلة " مانشيت " عنوان هايل
وياريت تتكرمى وتنزلى شغلك فى منتدى مجلة الفن السابع
http://elfan2008.ahlamontada.com/
وينكيييييى :
ازيك ليكى وحشة 00 انتى على فكرة بلغتينى بالحكاية دى ع " الفيس بوك" ولو خفيت على بكرة هاجى 00 أما لو فضلت عيان فيبقى ماليش نصيب
ياريت تعملى لنا دعاية فى وكالة وينكى عن المنتدى ده
http://elfan2008.ahlamontada.com/
إرسال تعليق